انسان جتنا بھی خوبصورت اور پر کشش لگتا ہے اس میں سب سے بڑا کردار اس کے چہرے کا ہوتا ہے اور اگر اس کا چہرہ ہی خراب ہو جائے تو اس کی تو دنیا ہی جیسے ختم ہو جاتی ہے اور پھر اگر یہی کام کسی اداکار یا پھر اداکارہ کے ساتھ ہو جائے تو اس کیلئے تو سب سے بڑی پریشانی ہے۔ آئیے جانتے ہیں۔

نادیہ حسین:

مشہور پاکستانی ماڈل و اداکارہ نادیہ حسین جو ہمیشہ سے ہی اپنے چہرے کا خوب خیال رکھتی ہیں مگر اب انہوں نے خود ہی ایک ویڈیو اپنے انسٹاگرام پر شیئر کی ہے جس میں ہونٹ، آنکھیں مختصراََ یہ کہ پورا چہرہ ہی بگڑا ہوا نظر آ رہا ہے۔ مزید یہ کہ یہ ویڈیو منظرعام پر آنے کے بعد ان کے مداح سب حیران و پریشان ہو گئے کہ انہیں ہوا کیا۔

لیکن گھبرانے کی کوئی بات نہیں ہے کیونکہ انہوں نے ویڈیو بنانے کیلئے کسی فلٹر کا استعمال کیا تھا جس کے باعث ان کا یہ حال ہو گیا۔

اس ویڈیو میں وہ خود یہ کہتی ہوئی نظرآ رہی ہیں کہ فلٹر اتنا بھی زیادہ نہیں ہونا چاہیے کہ انسان کا چہرہ ہی بدل جائے۔ اور آنکھیں تو چلیں ابھی ٹھیک لگ رہی ہیں لیکن ہونٹ تو بالکل ہی خراب لگ رہے ہیں۔ اپنی اسی ویڈیو میں تھوڑی دیر میں کہتی ہیں کہ میں نے تو ہونٹوں کا ٹریٹمنٹ کروایا ہی نہیں تو یہ کیسے ہو گئے ایسے۔

اس کے علاوہ اس سے پہلے بھی ان کی ایک ویڈیو منظر عام پر آئی تھی جسے دیکھ کر یوں لگتا تھا کہ جیسے کسی چیز کے استعمال کی وجہ سے یا پھر کسی بھی اور چیز کی وجہ سے انکا چہرہ بالکل بدل گیا ہے اور اب تو یہ پہچانی بھی نہیں جارہی ہیں۔ بہر حال اس ویڈیو میں وہ خوب ہنس رہی ہیں اور یہ بھی کہتے ہوئے نظر آتی ہیں کہ آج تو مجھے سچی مچی مار پڑنے والی تھی، وہ ویڈیو بھی میں نے کر دی تھی اپلوڈ۔

یہ ویڈیو دیکھنے کے بعد انکے مداح پریشان ہو گئے ہیں کہ آخر انہیں ہوا کیا ہے مگر یہاں آپکو یہ بھی بتاتے چلیں کہ یہ بالکل خیریت سے ہیں۔ اور یہ بس ایک انسٹاگرام ویڈیو تھی جس کیلئے انہوں نے ایسا کوئی موبائل فیچر استعمال کیا تھا جس کی وجہ سے انکا چہرہ ایسا ہو گیا۔ واضح رہے کہ اس ویڈیو کو ابھی تک سوشل میڈیا پر 68 ہزار افراد دیکھ چکے ہیں اور 871 افراد نے اسے لائک بھی کیا ہے۔