والدین کسی بھی اولاد کے لئے ٹھنڈی چھاؤں سے کم نہیں ہوتے۔ چاہے اولاد بڑی بھی ہوجائے پھر بھی والدین کی ضرورت ہمیشہ رہتی ہے اور اگر بوڑھے والدین خدانخواستہ بیمار ہوجائیں تو اولاد کی تو جان پر ہی بن جاتی ہے۔ ایسا ہی کچھ ہوا پاکستان کرکٹ ٹیم کے بھائیوں کی جوڑی عمر اکمل اور کامران اکمل کے ساتھ جن کے والد کچھ دن سے اسپتال میں ہیں۔
عمر اکمل نے اپنے ٹوئٹر اکاؤنٹ پر اسپتال میں لیٹے بیمار والد کی تصویر شئیر کرتے ہوئے لکھا کہ "براہ کرم میرے ابو کے لئے دعا کریں وہ اسپتال میں داخل ہیں ہم بہت مشکل وقت سے گزر رہے ہیں"
ان کے بھائی اور قومی ٹیم کے کھلاڑی کامران اکمل نے بھی ٹوئٹر پر مداحوں کو والد کی صحت کے متعلق آگاہی دیتے ہوئے ان سے دعاوں کی اپیل کی۔