میں نسیم شاہ کو اپنا گردہ دیتا ہوں۔۔ مارو مجھے مارو سے مشہور ہونے والے مومن ثاقب کی ایک اور دلچسپ ویڈیو وائرل

گزشتہ روز ہونے والے پاکستان اور افغانستان کے میچ نے نسیم شاہ کو ہیرو کا درجہ دلا دیا ہے اور آخر ایسا کیوں نہ ہوتا۔ نسیم شاہ کے آخری 2 چھکوں کی وجہ سے ہی پاکستان نے نہ صرف افغانستان کو شکست دی بلکہ ایشیاء کپ میں پہنچنے پر بھی کامیاب ہوا۔ اسی بات نے سوشل میڈیا انفلوئینسر مومن ثاقب کو ایک بار بھی جذباتی کردیا ہے اور انھوں نے اسٹیڈیم میں ہی نسیم شاہ کو اپنا گردہ دینے کا اعلان کردیا۔ ویڈیو دیکھیے

میچ پر تبصرہ کرتے ہوئے مومن ثاقب انتہائی جذباتی انداز میں کہہ رہے ہیں کہ نسیم شاہ ہمارا شہزادہ ہے اور میں انھیں پلاٹ اور گردہ گفٹ کرتا ہوں۔ اتنا ہی نہیں بلکہ مومن نے نسیم شاہ کو سراہتے ہوئے مزید کہا کہ نسیم شاہ میں جاوید میانداد کی روح آگئی ہے وہ نسیم شاہ نہیں بلکہ نسیم میانداد ہیں۔