شگفتہ اعجاز پاکستانی ڈرامہ انڈسٹری کا ایک بڑا نام ہے انہوں نے ہر دور میں خود کو زمانے کی ضرورت کے حساب سے ڈھالا اور ہر قسم کے کرداروں میں جان ڈالتے ہوئے اپنی اداکاری کے جوہر منوائے۔ شگفتہ اعجاز نے اکثر اپنے شوہر اور فیملی کے متعلق کئی باتیں بتائیں اور یہ سب ہی جانتے ہیں کہ انہوں نے دوسری شادی کی اور ابیہ اس شادی سے بہت زیادہ خوش ہیں اور اپنے شوہر کی تعریفیں کرتے نظر آتے ہیں۔
شگفتہ اعجاز کی اپنی 4 بیٹیاں ہیں اور ان کے شوہر کے پہلی بیوی سے 2 بیٹے ہیں۔ شگفتہ کے شوہر نے ان کی بیٹیوں کو سگے باپ جیسی محبت دی اور اسی طرح شگفتہ بھی اپنے بیٹوں کو سگے بچوں سے بڑھ کر چاہتی ہیں۔ حال ہی میں انہوں نے اپنے بیٹے حسن کی شاندار سالگرہ بھی منائی اور اس کو تحفے بھی دیے۔
ان کے بیٹے حسن کی بیوی بھی بہت زیادہ دوستانہ مزاج کی لڑکی ہے۔ ویڈیو میں دیکھ کر سب کی آپس میں محبت کا واضح اندازہ ہوتا ہے۔ مداح بھی شگفتہ کی اس محبت پر ان کی تعریفیں کر رہے ہیں۔