ویسے تو مشہور بھارتی اداکارائیں اپنے انداز اور لہجے کی وجہ سے سب کی توجہ حاصل کر لیتی ہیں، تاہم چند ایسی ہیں جو کہ اپنی دشمنی کی وجہ سے جانی جاتی ہیں۔
ہماری ویب ڈاٹ کام کی اس خبر میں آپ کو اداکارہ ریکھا اور جیا بچن سے متعلق بتائیں گے۔
ریکھا اور جیا بچن دونوں بالی ووڈ کی مشہور ترین اور سینئر اداکارائیں ہیں، تاہم ان دونوں کے درمیان ایک چیز کافی مماثلت رکھتی ہے اور وہ ہے امیتابھ بچن۔ دونوں ہی امیتابھ کو بے انتہا چاہتی ہیں۔
ریکھا اور امیتابھ کی قربتوں سے جیا بچن کافی غیر محفوظ محسوس کرتی تھیں، یہی وجہ تھی کہ جیا بچن ہر موقع پر امیتابھ بچن کو ریکھا کے قریب بھی نہیں بھٹکنے دیتی تھیں۔
جیا بچن ظاہری طور پر ریکھا سے عام طور پر ملتی تھیں مگر بناوٹی پن بھی چھپا نہیں پاتی تھیں۔
یہی وجہ ہے کہ ایک انٹرویو میں ریکھا اور امیتابھ کے تعلقات کے بارے میں جیا بچن سے پوچھا گیا تو وہ فورا بولیں کہ اگر میں میڈیا کی ہر خبر کو اہمیت دوں، تو اس طرح تو میری زندگی جہنم بن جائے گی۔ جیا بچن کا انداز گفتگو دیکھ کر میڈیا سمجھ چکا تھا کہ جیا بچن کو یہ بات کھٹکی ہے۔
جبکہ اس کے برعکس ریکھا نے جیا بچن اور امیتابھ بچن کے تعلقات اور شادی کو نہ صرف قبول کیا ہے بلکہ یہ بھی کہا ہے کہ امیتابھ نے ایک بہترین مرد ہونے کا ثبوت دیا ہے۔ ریکھا نے امیتابھ بچن سے اپنے پیار کا بھی اظہار کیا تھا۔ اسٹار ڈسٹ کو دیے گئے ایک انٹرویو میں ریکھا کا کہنا تھا کہ فلم مقدر کا سکندر میں میری اور امیتابھ کی جوڑی نے جیا بچن کو رونے پر مجبور کر دیا تھا، اسی وجہ سے امیتابھ نے مجھ سے دوری اختیار کی۔
ریکھا کا کہنا تھا کہ بچن فیملی جب مقدر کا سکندر فلم کا ٹرائل شو دیکھنے کے لیے آئی تو میں پروجیکشن روم سے انہیں دیکھ رہی تھی، رومانوی سین کے دوران جیا بچن کی آںکھوں سے آنسو بہہ رہے تھے، وہ برداشت نہیں کر پا رہی تھی۔ انہیں میری اور امیتابھ کی کیمسٹری اچھی نہیں لگی تھی۔
جیا بچن اور ریکھا کے درمیان ناراضگی کی بڑی وجہ امیتابھ بچن ہیں کیونکہ دونوں امیتابھ بچن کو چاہتی ہیں۔ اگر چہ ریکھا جیا بچن اور امیتابھ کو شادی شدہ تصور کر چکی ہیں مگر سوشل میڈیا کے مطابق ریکھا آج بھی امیتابھ کے نام کا سندور لگاتی ہیں، جبکہ بار ہاں پوچھنے پر بھی سندور لگانے کی وجہ نہیں بتا پائی ہیں۔ یہ بھی ایک وجہ ہے جو کہ جیا بچن کو نا گوار گزرتی ہے۔۔
یہ سب تو ظاہری طور پر دکھائی دیتا ہے، تاہم بھارتی میڈیا کے مطابق فلم رام بلرام میں امیتابھ کے مدمقابل ریکھا تھیں، جس پر جیا بچن خفا تو تھیں ہی ساتھ ہی حسد کا شکار بھی تھیں۔
یہی وجہ تھی ک اسی فلم کے ڈائریکٹر پر جیابچن نے دباؤ ڈالا کہ وہ ریکھا کی زینت امان کو کاسٹ کر لیں، ریکھا نے جب یہ سنا تو فورا بڑے ڈائریکٹر کے پاس پہنچ گئیں اور انہیں باقی اداکاراؤں کے مقابلے میں کم آفر کی جسے قبول کر لیا گیا۔
صبر کا پیمانہ اُس وقت لبریز ہوا جب اداکارہ نے ریکھا اور اپنے شوہر امیتابھ کو ایک ساتھ سیٹ پر پرائیوٹ گفتگو کرتے دیکھا، جس پر جیا بچن نے غصے میں ریکھا جو تھپڑ مار دیا تھا، جس کے بعد امیتابھ بچن موقع سے چلے گئے تھے۔