اداکارہ غنیٰ علی کے ہاں گزشتہ روز دوسرے بچے کی پیدائش ہوئی ہے جس کی خبر انھوں نے اپنے انسٹاگرام اکاؤنٹ سے خود اپنے مداحوں کے ساتھ شئیر کی۔

بیٹے کی پیدائش کی خوش خبری دیتے ہوئے اداکارہ نے لکھا کہ وہ اللہ کی شکر گزار ہیں جس نے انھیں 7 ماہ کے حمل میں عمرہ ادا کرنے کی سعادت اور طاقت عطا کی۔ اس کے علاوہ انھوں نے اپنے دونوں بچوں کو خوش قسمت قرار دیا جنھیں ہر مشکل میں ساتھ دینے والا باپ ملا ہے۔ غنیٰ علی نے دعا کی کہ ان کے دونوں بچے بھی اپنے والد کی طرح نیک بنیں۔

نام کا مطلب

اس خبر کے ساتھ ہی غنیٰ علی نے اپنے بیٹے کا نام بھی بتایا۔ انھوں نے اپنے بیٹے کا نام محمد علی جاہ عمیر رکھا ہے۔ علی جاہ فارسی نام ہے جس کے معنیٰ بڑے رتبے والا اور بلند مرتبے والا ہیں۔

صرف 14 ماہ میں 2 بچے

واضح رہے کہ اس سے پہلے صرف 14 ماہ پہلے 24 نومبر 2021 میں غنیٰ علی کی بیٹی کی پیدائش ہوئی تھی جس کا نام انھوں نے فائجہ رکھا تھا۔