معروف اداکارہ مائرہ خان نے اداکار شمعون عباسی کے ساتھ دیرینہ تعلقات کا انکشاف کرتے ہوئے دونوں کے درمیان قائم اہم رشتے سے بھی پردہ اٹھادیا ہے۔
اپنے ایک حالیہ انٹرویو میں مائرہ خان نے ناصرف اپنے آنے والے پروجیکٹ بلکہ اپنی ذاتی زندگی کے حوالے سے بھی بات چیت کی۔
مائرہ خان نے بتایا کہ اتفاق کی بات ہے کہ میرے کئی پروجیکٹس میں شمعون عباسی کے ساتھ کاسٹ کیا گیا، شائد ہماری کیمسٹری اچھی ہے جس کی وجہ سے ہمیں کاسٹ میں شامل کیا جاتا ہے۔
فلم قابیل اور دادل میں اہم کردار ادا کرنےوالی مائرہ خان نے بتایا کہ میں نے سسرال میں مقام بنانے کیلئے بہت محنت کی، میرے شوہر ہمیشہ مجھ سے پہلے دنیا سے جانے کی بات کرتے تھے اور وہ مجھے چھوڑ گئے۔
انہوں نے اداکار شمعون عباسی کے حوالے سے اہم انکشاف کرتے ہوئے بتایا کہ شمعون عباسی ہمارے خاندان کا حصہ اور بڑے بھائی کی طرح ہیں۔ ان کا کہنا تھا کہ میں جب بھی کسی مشکل میں ہوتی ہوں تو سب سے پہلی کال ان کو ہی کرتی ہوں اور وہ وقت پر فوراً حاضر ہوتے ہیں۔