اداکارہ شگفتہ اعجاز نے جہاں اپنی زندگی میں کئی تکلیفوں کا سامنا کیا اور ہر مشکل وقت میں ڈٹی رہیں وہیں ان کے پیارے رشتوں کی موت نے ان کو کمزور بنا دیا۔ یہ ہر انسان کی اصل زندگی کی وہ حقیقت ہے جس کو کوئی ظاہر کر دیتا ہے تو کوئی اپنے اندر چھپا لیتا ہے۔
شگفتہ اعجاز نے اپنے ایک وی لاگ میں اپنی والدہ، والد اور بڑی بہن کی موت سے متعلق آگاہ کیا۔ اداکارہ نے اس میں بتایا کہ میری بہن کو مجھ سے آج 2 سال گزر گئے ہیں۔ اس کی اچانک موت نے مجھے کمزور بنا دیا۔ 10 ماہ کے عرصے میں گھر سے 3 جنازے اٹھتے دیکھے ہیں جس نے میری روح کو جھنجھوڑ کر رکھ دیا ہے۔
اداکارہ نے بتایا کہ والدہ کو کئی سال پہلے یوٹرس میں کینسر ہوا جو ٹھیک ہوچکا تھا لیکن وفات سے قبل بریسٹ کینسر اور جسم کے کئی حصوں میں اس کی تشخیص ہوئی اور وہ اس دنیا سے چلی گئیں۔ ان کے بعد اچانک بہن بیمار ہوئی اور جب ان کا ٹیسٹ ہوا تو ڈاکٹر نے بتایا کہ یہ صرف 4 مہینے کی مہمان ہیں، اس کے بعد یہ بھی دنیا سے چلی جائیں گیں۔ میرے بہنوئی عمانی ہیں انہوں نے بہن کو اپنے پاس بلایا اور وہیں ان کا علاج کروایا لیکن ہونی کو کون ٹال سکتا ہے۔ اللہ تعالیٰ نے وقت مقرر کر دیا تھا اور اپنے سامنے اپنی بہن کو مرتے ہوئے دیکھا۔ تکلیف ناک مرحلے آج بھی آنکھوں کے سامنے آ جاتے ہیں۔ پھر کچھ ماہ بعد میرے ابو جہاں فانی سے رخصت ہوگئے۔
میری بہن کا سانس کا مسئلہ ہوا، جگر کی تکلیف ہوئی۔ پھر جب ٹیسٹ ہوا تو معلوم ہوا کہ ان کو کینسر colango carcinoma ہے جو جگر کا کینسر تھا۔ اسی مرض سے بہن دنیا سے چلی گئی۔ ابو شوگر کے مریض تھے ان کی حالت آخر میں اتنی خراب ہوئی کہ ایک ٹانگ بھی کاٹ دی گئی تھی۔