سر پر ٹوپی اور نماز کا سجدہ ۔۔ کیا بھارتی گلوکار شان مکھرجی نے بھی اسلام قبول کرلیا؟ سوشل میڈیا پر ہنگامہ مچ گیا

بھارتی گلوکار شان مکھرجی نے عید پر مسلمانوں کو عید کی مبارکباد دی تو سوشل میڈیا پر ہنگامہ مچ گیا۔

شان مکھرجی نے میٹھی عید کے موقع پر انسٹاگرام پر ایک پوسٹ شیئر کی تھی جس میں وہ ٹوپی پہنے دعا کے لیے ہاتھ اٹھائے ہوئے تھے، انہوں نے تصویر اپلوڈ کرتے ہوئے تمام مسلمانوں کو عید کی مبارکباد دی تھی

انتہا پسند ہندوؤں نے گلوکار شان کو خوب تنقید کا نشانہ بنایا تھا۔ انتہاپسند ہندو صارفین کا منفی تبصروں میں کہنا تھا کہ شان کو ایک ہندو ہوتے ہوئے ٹوپی پہن کر مسلمانوں جیسا روپ دھار کر عید کی مبارکباد دینے پر شرم کرنی چاہیے۔ اِن منفی تبصروں پر ردِ عمل کا اظہار کرتے ہوئے شان نے عید کے دن ہی انسٹاگرام لائیو ویڈیو میں خود پر تنقید کرنے والے صارفین کو خوب آڑے ہاتھوں لیا۔ گزشتہ دنوں گولڈن ٹیمپل گیا میں نے سکھوں جیسا روپ دھارا تھا مگر اُس وقت کوئی ہندو کچھ نہیں بولا تھا، مسلمانوں کو عید کی مبارکباد دے دی تو اتنا مسئلہ ہو گیا۔ زیادہ تر دوست مسلمان ہیں، اُنہیں آج تک کچھ مختلف محسوس نہیں ہوا مگر آج بھارت جس سمت چل پڑا ہے یہ دیکھ کر افسوس ہو رہا ہے۔ اگر ہمیں آگے بڑھنا ہے تو اپنی سوچ بدلنا پڑے گی، ایسی سوچ کے ساتھ بھارت آگے نہیں بڑھ سکتا۔ میں ایک ہندو ہوں اور میں اپنی سوچ نہیں بدلوں گا کیوں کہ میں جانتا ہوں کہ میری سوچ اور سمت صحیح ہے