سر پر ہاتھ پھیرا اور دعائیں دیں.. بابر اعظم کی شاداب خان کے والدین سے جذباتی ملاقات کی ویڈیو وائرل

گزشتہ شب پاکستان کرکٹ ٹیم کے کپتان بابر اعظم نے بین الاقوامی کرکٹ میں 12 ہزار رنز مکمل کرلئے جبکہ پاکستان نے نیوزی لینڈ کے خلاف ون ڈے میچ بھی جیت لیا۔ اس موقع پر شاداب خان کے والدین کی بابر اعظم سے ملاقات کی جذباتی ویڈیو تیزی سے سوشل میڈیا پر وائرل ہورہی ہے۔ آپ بھی دیکھیں

اس ویڈیو میں بابر اعظم کو شاداب خان کی والدہ سے احتراماً سر جھکا کر ملتے ہوئے دیکھا جاسکتا ہے جبکہ شاداب خان کی والدہ بھی بابر اعظم کے سر پر پیار سے ہاتھ پھیر رہی ہیں اور دعائیں دے رہی ہیں۔ شاداب خان کے والد بھی بابر اعظم سے محو گفتگو ہیں اور ان کے ساتھ تصویر بنوا رہے ہیں۔

اس موقع پر کچھ ہی فاصلے پر شاداب خان بھی ہنستے مسکراتے دیکھے جاسکتے ہیں۔ سوشل میڈیا صارفین بابر اعظم کے رویے اور ساتھی کھلاڑیوں کے والدین کے ساتھ محبت بھرے رویے کو سراہ رہے ہیں۔