پاکستان اور نیوزی لینڈ کے خلاف آج چوتھا ون ڈے کراچی میں کھیلا جا رہا ہے۔ نیوزی لینڈ نے ٹاس جیت کر قومی ٹیم کو بیٹنگ کی دعوت دے دی۔ گرین شرٹس کی جانب سے چوتھے ون ڈے میں 5 تبدیلیاں کی گئی ہیں۔ امام الحق، شاداب خان، عبداللہ شفیق، نسیم شاہ اور محمد نواز آج کا میچ نہیں کھیل رہے ہیں۔
جبکہ چوتھے ون ڈے کیلئے شان مسعود، افتخار احمد، محمد حارث، اسامہ میر اور حارث رؤف کو آج موقع دیا گیا ہے۔
کپتان بابر اعظم نے کہا کہ ہم ٹاس جیت کر کوشش کرتے ہیں کہ بیٹنگ کرلیں، پچ دیکھنے میں اچھی لگ رہی 290 رنز بنانے کی کوشش ہوگی۔ گرین شرٹس کو 5 میچز کی سیریز میں 0-3 کی فیصلہ کُن برتری حاصل ہے۔