“ جان ابراہیم سے اچانگ ہونے والی ملاقات بہت اچھی رہی۔ میں ہمیشہ سے ان کی فلموں اورکام کا فین ہوں۔ جان کی فلمیں پاکستان میں لگتی تھیں تو میں سینما جا کر دیکھتا تھا۔ آپ ہمیشہ خوش رہیں جان“
یہ الفاظ ہیں پاکستانی کھلاڑی رومان رئیس کے جن کی ملاقات حال ہی میں بالی وڈ کے نامور اداکار اور ماڈل جان ابراہام سے ہوئی۔
رومان رئیس نے اپنی اور جان کی تصویر اپنے ٹوئٹر اکاؤنٹ پر پوسٹ کی اور ساتھ ہی جان ابراہام کو ٹیگ بھی کیا۔ پوسٹ سے ظاہر ہوتا ہے کہ رومان کی جان ابراہام سے ملاقات کافی خوشگوار رہی البتہ یہ واضح نہیں ہوسکا کہ دونوں کی ملاقات کس جگہ ہوئی تھی۔