گھر سنبھالنا اور نوکری کرنا ایک خاتون کیلئے سب سے مشکل کام ہوتا ہے پر پاکستان کی ایک ایسی خوبصورت و حسین اداکارہ نادیہ حسین کی مثال ہمارے سامنے موجود ہے جو گھر کے ساتھ ساتھ ایک کامیاب شوبز کی شخصیت بھی ہیں۔
اپنے حالیہ انٹرویو میں انکے ساتھ بشرٰی انصاری بھی موجود تھیں جنہوں نے کہا کہ ہمیں ان سے سیکھنے کی ضرورت ہے۔ لوگوں کے 2 ہاتھ ہوتے ہیں لیکن مجھے کو لگتا ہے ان کے 20، 30 ہاتھ ہیں۔ اس کے بعد بشریٰ جی نے ان سے سوال کیا کہ اداکاری، ماڈلنگ اور میک اپ آرٹسٹ کے ساتھ ساتھ آپ گھر کیسے سنبھال لیتی ہیں؟
جس پر انہوں نے مسکراتے ہوئے کہا کہ جی ہاں بالکل میرے 4 بچے ہیں لیکن میں اپنی زندگی سے خوش ہوں۔ اور اس کامیابی کے سفر میں میرا ساتھ والدہ، ساس، بچوں اور خصوصاََ شوہر نے بہت دیا۔
کیونکہ ایک وقت ہوتا ہے کہ جب آپکا سہارا آپ کے والد ہوتے ہیں پھر آپ کی سب سے بڑی طاقت خاوند ہوتے ہیں، اسی لیے کہتی ہوں کہ اگر وہ میرے ساتھ کھڑے نہ ہوتے تو آج یہ مقام حاصل نہیں کر پاتی۔