ملک زبیر کا کردار نبھانے والے اداکار آغا حسن نے حال ہی میں ایک انٹرویو میں اپنی محبت کی ادھوری داستان بتاتے ہوئے کہا کہ
میری محبت کی کہانی ڈھائی سال تک چلی تھی لیکن بعد میں اس لڑکی نے مجھے چھوڑ دیا تھا۔ زہریلا رشتہ تھا، رشتہ ٹوٹنے کے بعد مجھے احساس ہوا کہ وہ کس قسم کے رشتے میں بندھے ہوئے تھے۔
آغا حسن نے بتایا کہ میں اُس لڑکی سے بے حد محبت کرتا تھا، مگر اُس نے شادی کے لیے اس لیے منع کر دیا تھا کہ میرا تعلق شوبز سے تھا، میں اداکار تھا اسی لیے مجھے اُس لڑکی نے چھوڑ دیا تھا حالانکہ اُسے شروع ہی سے معلوم تھا کہ میں اداکار ہوں۔
اُس لڑکی نے شادی کے لیے میرے شوبز چھوڑنے کی شرط رکھی دی تھی۔یہ سلسلہ 6 سے 8 ماہ تک چلتا رہا تھا اور میں اذان سُن کر روتا تھا اور اُس لڑکی کو پانے کے لیے دعا کرتا تھا۔
اداکار نے یہ بھی کہا کہ میرا ہر معاملے میں اللہ نے بہت ساتھ دیا ہے اور مجھے آفرز ملتی رہیں۔