ماڈل اور اداکارہ متھیرا کو ہر کوئی جانتا ہے لیکن ان کے خوفناک حادثے کے بارے میں کچھ ہی لوگ جانتے ہیں۔ ایک شو میں بات کرتے ہوئے انہوں نے بتایا کہ میرا بہت خوفناک حادثہ ہوا اور لوگوں کو لگا کہ میری موت ہوگئی اور ایسی بری خبریں پھیلنے لگیں لیکن میں زندہ بچ گئی۔
ماڈل و اداکارہ متھیرا کی گاڑی کو دبئی میں خوفناک حادثہ پیش آیا تھا، جسکی وجہ سے یہ شدید زخمی ہو گئیں تھیں جبکہ ان کی گاڑی مکمل طور پر تباہ ہو گئی تھی۔
متھیرا نے اپنے انسٹاگرام پر بھی حادثے کی خبر شیئر کرتے ہوئے کہا تھا کہ ان کی کار کو دو ٹرک نے ٹکر ماری تھی تاہم خوش قسمتی سے وہ حادثے میں بال بال بچ گئیں۔ اس کے ساتھ انہوں نے حادثے کا شکار ہونے والی کار کی تصویر بھی شیئر کی تھی جو کہ مکمل طور پر تباہ ہو گئی ہے۔ متھیرا کو چوٹیں آئیں ہیں تاہم وہ خطرے سے باہر ہیں۔ حادثے کے وقت ان کی دوست بھی ان کے ہمراہ تھیں وہ بھی مقامی ہسپتال میں زیر علاج تھیں۔