بھارت میں منعقدہ آئی سی سی کرکٹ ورلڈکپ کے دوران چنئی میں ہونے والے آسٹریلیا اور انڈیا کے میچ میں ایک تماشائی کے گراؤنڈ میں داخل ہونے کے بعد میچز کی سیکورٹی پر سوالات شروع ہوگئے ہیں۔
جاروو نامی شخص بھارتی ٹیم کی جرسی پہنے ٹاس سے قبل پلیئز کے پاس میدان میں آگیا جس کو سیکورٹی پر مامور عملے نے روک کر گراونڈ سے باہر نکالا۔
جاروو نامی شخص انگلینڈ میں بھی اس طرح کی حرکتیں کرچکا ہے، جس پر انگلینڈ کے میدانوں میں بھی داخلے پر پابندی ہے جبکہ انٹرنیشنل کرکٹ کونسل نے اس حرکت کے بعد فین کے ورلڈ کپ میچز میں آنے پر پابندی لگادی ہے۔
بھارت میں ہونیوالے ورلڈکپ میں سیکورٹی خدشات کے باوجود پاکستان ٹیم ایونٹ میں حصہ لے رہی ہے تاہم غیر متعلقہ شخص کے پلیئرز اینڈ آفیشل ایریا میں گھسنے پرورلڈ کپ کی سیکورٹی پر سوال اٹھا جارہے ہیں۔
واضح رہے کہ چند روز قبل بھارتی میڈیا نے انکشاف کیا تھاکہ ورلڈکپ کے میچز کے دوران دہشت گردحملے ہوسکتے ہیں جس پر پاکستان دفتر خارجہ نے قومی ٹیم کو سیکورٹی فراہم کرنے کا مطالبہ کیا تھا۔