پاکستان کرکٹ ٹیم کے سابق اسٹار آل راؤنڈر عبدالرزاق نے افغانستان کیخلاف میچ میں اوپنر عبداللہ شفیق کے آؤٹ کا ذمہ دار بابر کو قرار دیدیا۔
افغانستان سے 8 وکٹوں کی شکست کے بعد عبدالرزاق نے بابر اعظم سے متعلق سوالات اٹھاتے ہوئے کہا کہ شکست پر سب ہی افسردہ ہیں ، جب عبداللہ کریز پر کھیل رہے تھے تو وہ جارحانہ انداز میں کھیل رہے تھے۔
جیسے ہی امام الحق کے آؤٹ ہونے کے بعد کپتان بابر اعظم بیٹنگ کے لیے آئے تو عبداللہ شفیق نے شاٹس روک لیں۔
عبدالرزاق نے نے کہااس کا مطلب ہے کہ انہیں ہدایات مل رہی تھیں کہ شاٹس نہیں مارنی، وہ آدھی شاٹس مار رہے تھے، کبھی مارنا چاہتے تو کبھی روک لیا کرتے تھے۔
جس گیند پر عبداللہ شفیق آؤٹ ہوئے وہ ایسی گیند نہیں تھی، اس وقت ایسا لگ رہا تھا جیسے انہیں کھیلنا ہی نہیں آتا، اس کا مطلب جب کپتان کریز پر ہے تو انہیں ہدایات ملتی ہیں کہ ایسے کھیلنا ہے۔
عبدالرزاق کا کہنا ہے کہ افغانستان جیسی ٹیم کے خلاف 350 کا ہدف بننا چاہیے تھا،جب کپتان کریز پر ہوتا ہے تو سب کھلاڑیوں کا اسٹرائیک ریٹ دیکھیں، 77 یا 80 سے بڑھتا ہی نہیں، تو ایسے کرکٹ نہیں کھیلی جاتی۔