آئی سی سی کرکٹ ورلڈ کپ کے 30 ویں میچ میں افغانستان سے ٹاس ہارنے کے بعد سری لنکا کی بیٹنگ جاری ہے۔
اب سے کچھ دیر پہلے تک سری لنکا نے 7 وکٹوں کے نقصان سے 40 اوورز کے اختتام پر 185 رنز بنا لیے تھے۔پیر کو پونے میں کھیلا جا رہا یہ میچ دونوں ٹیموں کا میگا ایونٹ میں چھٹا میچ ہے۔اس میچ کے لیے سری لنکا کی ٹیم میں دو تبدیلیاں کی گئی ہیں جس کے بعد کوشل پریرا کی جگہ دیمُتھ کرونارتنے اور لاہِیرُو کمارا کی جگہ دشمنتھا چمیرا کو پلئینگ الیون میں شامل کیا گیا ہے۔دوسری جانب افغانستان نے اپنی پلینگ الیون میں ایک تبدیلی کی ہے جس کے بعد نور احمد کی جگہ فضل حق فاروقی کو ٹیم کا حصہ بنایا گیا ہے۔اس سے قبل سری لنکا اس ورلڈ کپ میں اب تک 5 میچ کھیل چکا ہے جس میں انہیں دو میچز میں جیت حاصل ہوئی جبکہ تین میچوں میں انہیں شکست کا سامنا کرنا پڑا۔اسی طرح افغانستان کی ٹیم بھی اس میگا ایونٹ میں اب تک پانچ میچ کھیل چکی ہے جس میں انہیں دو میں جیت اور تین میں ہار ہوئی ہے۔اگر دونوں ٹیموں کے درمیان تک اب تک ون ڈے کرکٹ کی تاریخ کو دیکھا جائے تو افغانستان اور سری لنکا اب تک 11 مرتبہ آمنے سامنے آ چکے ہیں جس میں 7 مرتبہ سری لنکا اور 3 مرتبہ افغانستان کو جیت حاصل ہوئی جبکہ ایک میچ بغیر کسی نتیجے کے ختم ہوا۔افغانستان کی پلیئنگ الیونافغانستان کی ٹیم میں رحمان اللہ گُرباز، ابراہیم زدران، حشمت اللہ شہیدی (کپتان)، رحمت شاہ، عظمت اللہ عمرزئی، اکرام علی خِیل (وکٹ کیپر)، محمد نبی، راشد خان، مجیب الرحمان، نوین الحق، فضل حق فاروقی شامل ہیں۔سری لنکا کی پلیئنگ الیونسری لنکا کی ٹیم میں پاتھم نشانکا، دیمُتھ کرو نارتنے، کوشل مینڈس (کپتان، وکٹ کیپر)، سدیرا سماراوِکاراما، چاریتھ اسالانکا، دھننجایا ڈی سِلوا، انجیلو میتھوز، مہیش تھیکشانا، کاسن راجیتھا، دشمنتھا چمیرا، دلشان مدوشنکا شامل ہیں.