پاکستان کی قومی کرکٹ ٹیم کے سابق کپتان شاہد خان آفریدی نے نانا بننے کے بعد ایکس پر مسرت کا اظہار کیا ہے۔
سنیچر کو شاہد خان آفریدی کے داماد اور فاسٹ بولر شاہین شاہ آفریدی کے ہاں بچے کی پیدائش ہوئی۔شاہد آفریدی نے اس موقعے پر تہنیتی پیغامات بھیجنے والوں کا شکریہ ادا کیا ہے۔انہوں نے اپنی ایکس پوسٹ میں لکھا کہ ’دنیائے کرکٹ کے کم عمر ترین نانا بننے پر آپ تمام احباب کے محبتوں بھرے پیغامات موصول ہو رہے ہیں۔‘انہوں نے لکھا کہ ’ہماری خوشیوں میں شامل ہونے پر میں اور میری فیملی آپ سب لوگوں کا دل سے شکریہ ادا کرتے ہیں۔‘شاہد آفریدی کی دوسری بیٹی انشاء آفریدی کی شاہین شاہ آفریدی سے گزشتہ برس شادی ہوئی تھی۔شاہین آفریدی اس وقت پاکستان اور بنگلہ دیش کے درمیان راولپنڈی میں جاری ٹیسٹ میچ کا حصہ ہیں۔