پاکستان سپر لیگ (پی ایس ایل) کے 10 ویں ایڈیشن کے 12 ویں میچ میں ملتان سلطانز نے لاہور قلندرز کو جیت کے لیے 229 رنز کا ٹارگٹ دیا ہے۔منگل کو ملتان میں ہونے والے میچ میں سلطانز نے ٹاس جیت کر بیٹنگ کا فیصلہ کیا ہے۔ملتان سلطانز کی اننگزملتان سلطانز کے یاسر خان نے سب سے زیادہ 87 رنز بنائے اور سکندر رضا کی گیند پر آؤٹ ہوئے، جبکہ عثمان خان 39 اور محمد رضوان 32 رنز بنا کر نمایاں رہے۔لاہور قلندرز کے رشاد حسین نے دو، جبکہ شاہین شاہ، آصف آفریدی اور سکندر رضا نے ایک ایک وکٹ حاصل کی۔اننگز کا آغاز کرنے والے کپتان محمد رضوان 32 بنانے کے بعد آصف آفریدی کی گیند پر آؤٹ ہوئے اور ان کے بعد عثمان خان بھی 39 رنز سکور کر کے رشاد حسین کی گیند پر کیچ تھما بیٹھے۔یاسر خان نے عمدہ کھیل پیش کیا اور 87 رنز بنائے لیکن سینچری سکور کرنے سے پہلے ہی سکندر رضا نے انہیں پویلین لوٹنے پر مجبور کر دیا۔ ایشٹن ٹرنر ابھی 15 رنز ہی بنا پائے تھے کہ وہ بھی رشاد حسین کا شکار بن گئے۔ مائیکل بریسویل ابھی وکٹ پر قدم جما بھی نہ سکے تھے کہ نو رنز بنا کر شاہین شاہ آفریدی کی گیند ہر کیچ آؤٹ ہو گئے۔پوائنٹس ٹیبل کو دیکھا جائے تو ملتان سلطانز نے ابھی تک کوئی میچ نہیں جیتا اور اس کا صفر پوائنٹ ہے، جبکہ لاہور قلندرز کے چار پوائنٹس ہیں۔ملتان سلطانز نے تین میچز کھیلے جن میں اسے شکست کا سامنا کرنا پڑا۔ لاہور قلندرز نے تین میچ کھیلے جن میں سے دو میں فتح ہوئی اور ایک میچ ہارا۔ملتان سلطانز کا سکواڈملتان سلطانز کے سکواڈ میں محمد رضوان (کپتان)، یاسر خان، عثمان خان، کامران غلام، ایشٹن ٹرنر، مائیکل بریسویل، افتخاز احمد، ڈیوڈ وِلی، اسامہ میر، جوش لٹل، عبید شاہ شامل ہیں۔لاہور قلندرز کا سکواڈلاہور قلندرز کے سکواڈ میں شاہین شاہ آفریدی (کپتان)، فخر زمان، محمد نعیم، عبداللہ شفیق، ڈیرل مچل، سیم بلنگز، سکندر رضا، رشاد حسین، حارث رؤف، آصف آفریدی اور زمان خان شامل ہیں۔