پاکستان سپر لیگ (پی ایس ایل) کے 10 ویں ایڈیشن کے 12 ویں میچ میں ملتان سلطانز نے لاہور قلندرز کو جیت کے لیے 229 رنز کا ٹارگٹ دیا ہے۔منگل کو ملتان میں ہونے والے میچ میں سلطانز نے ٹاس جیت کر بیٹنگ کا فیصلہ کیا ہے۔ملتان سلطانز کی اننگزملتان سلطانز کے یاسر خان نے سب سے زیادہ 87 رنز بنائے اور سکندر رضا کی گیند پر آؤٹ ہوئے، جبکہ عثمان خان 39 اور محمد رضوان 32 رنز بنا کر نمایاں رہے۔لاہور قلندرز کے رشاد حسین نے دو، جبکہ شاہین شاہ، آصف آفریدی اور سکندر رضا نے ایک ایک وکٹ حاصل کی۔اننگز کا آغاز کرنے والے کپتان محمد رضوان 32 بنانے کے بعد آصف آفریدی کی گیند پر آؤٹ ہوئے اور ان کے بعد عثمان خان بھی 39 رنز سکور کر کے رشاد حسین کی گیند پر کیچ تھما بیٹھے۔یاسر خان نے عمدہ کھیل پیش کیا اور 87 رنز بنائے لیکن سینچری سکور کرنے سے پہلے ہی سکندر رضا نے انہیں پویلین لوٹنے پر مجبور کر دیا۔ ایشٹن ٹرنر ابھی 15 رنز ہی بنا پائے تھے کہ وہ بھی رشاد حسین کا شکار بن گئے۔ مائیکل بریسویل ابھی وکٹ پر قدم جما بھی نہ سکے تھے کہ نو رنز بنا کر شاہین شاہ آفریدی کی گیند ہر کیچ آؤٹ ہو گئے۔لاہور قلندرز کی اننگزلاہور قلندرز کی بیٹنگ لائن مایوس کن رہی اور ایک کھلاڑی کے علاوہ کوئی بیٹر 50 سے زایدہ رنز نہ بنا سکا۔لاہور قلندرز نے 229 رنز کے ہدف کے تعاقب میں اننگز کا آغاز کیا تو محمد نعیم صرف 11 رنز بنا کر برسیویل کی گیند پر پویلین لوٹ گئے۔ ان کے بعد فخر زمان آئے جو 32 رنز سکور کر کے عبید شاہ کی گیند پر کیچ آؤٹ ہو گئے۔ عبداللہ شفیق بھی خاص کارکردگی نہ دکھا سکے اور 18 رنز بنا کر بریسویل کا شکار بن گئے۔ڈیرل مچل نے بھی 19 رنز بنائے اور عبید شاہ کی گیند پر آؤٹ ہوئے۔ رشاد حسین ابھی وکٹ پر قدم جما بھی نپ پائے تھے اور صرف دو رنز ہی بنائے تھے کہ انہیں اسامہ میر نے آؤٹ کر دیا۔ سیم بلنگز قدرے بہتر کھیل پیش کیا لیکن انہیں بھی 43 رنز پر عبید اللہ نے آؤٹ کیا۔کپتان شاہین شاہ صرف دو رنز بناکر اسامہ میر کی گیند پر کیچ تھما بیٹھے۔ اسی آصف آفریدی اور حارث روف بھی بالترتیب چار اور ایک رن ہی بنا سکے۔ملتان سلطانز کے بولر عبید شاہ نے تین، مچل بریسویل اور اسامہ میر نے دو، دو، جبکہ جوش لٹل اور ڈیوڈ وِلی نے ایک، ایک وکٹ حاصل کی۔
ملتان سلطانز نے چار میچز کھیلے جن میں سے اس نے ایک میں فتح حاصل کی (فوٹو: پی ایس ایل)
پوائنٹس ٹیبل کو دیکھا جائے تو ملتان سلطانز نے ابھی تک ایک میچ جیتا اور اس کے دو پوائنٹ ہیں، جبکہ لاہور قلندرز کے چار پوائنٹس ہیں۔
ملتان سلطانز نے چار میچز کھیلے جن میں سے اس نے ایک میں فتح حاصل کی۔ لاہور قلندرز نے چار میچ کھیلے جن میں سے دو میں فتح ہوئی اور دو مین شکست ہوئی۔ملتان سلطانز کا سکواڈملتان سلطانز کے سکواڈ میں محمد رضوان (کپتان)، یاسر خان، عثمان خان، کامران غلام، ایشٹن ٹرنر، مائیکل بریسویل، افتخاز احمد، ڈیوڈ وِلی، اسامہ میر، جوش لٹل، عبید شاہ شامل ہیں۔لاہور قلندرز کا سکواڈلاہور قلندرز کے سکواڈ میں شاہین شاہ آفریدی (کپتان)، فخر زمان، محمد نعیم، عبداللہ شفیق، ڈیرل مچل، سیم بلنگز، سکندر رضا، رشاد حسین، حارث رؤف، آصف آفریدی اور زمان خان شامل ہیں۔