اوتھل پولیس نے منشیات اسمگلنگ کی بڑی کوشش ناکام بناتے ہوئے چار خواتین اسمگلرز کو گرفتار کرلیا۔ پولیس کے مطابق خواتین خضدار سے کراچی جانے والی مسافر گاڑی میں سفر کر رہی تھیں اور منشیات کو جسم سے سلوشن ٹیپ کے ذریعے باندھا گیا تھا۔
زیرو پوائنٹ چیک پوسٹ پر لیڈی پولیس اہلکاروں نے مشکوک خواتین کی تلاشی لی، جس کے دوران 25 کلوگرام چرس برآمد ہوئی۔ پولیس کے مطابق بین الاقوامی منڈی میں برآمد کی گئی منشیات کی مالیت ایک کروڑ روپے سے زائد بنتی ہے۔
پولیس نے گرفتار خواتین کے خلاف مقدمہ درج کرکے مزید تفتیش شروع کر دی ہے جبکہ منشیات کے نیٹ ورک کے دیگر سہولت کاروں کی تلاش بھی جاری ہے۔