بھارت کی خواتین کرکٹ ٹیم کی مایہ ناز کھلاڑی سمریتی مندانہ نے تصدیق کردی ہے کہ ان کی میوزک کمپوزر پلاش موچل سے اب شادی نہیں ہو رہی۔
مندانہ نے بھارت ٹیم کے ساتھ آئی سی سی ورلڈ کپ جیتنے کے کچھ ہی دنوں بعد زور و شور سے اعلان کیا تھا کہ ان کی پلاش سے 25 نومبر کو شادی ہو رہی ہے۔
بھارتی کھلاڑی نے شادی سے پہلے کی تقریبات سوشل میڈیا پر اپنے فینز کے ساتھ شیئر کی تھی لیکن ایک دن بعد ہی یہ خبر گردش کرنے لگی کہ شادی نہیں ہو رہی اور دونوں خاندانوں میں کوئی مسئلہ کھڑا ہوگیا ہے۔
کافی دنوں سے خاموش رہنے کے بعد آج مندانہ نے تسلیم کرلیا کہ اب شادی نہیں ہورہی اور لوگوں سے اپیل کی ہے کہ وہ ان کی ذاتی زندگی میں مداخلت نہ کریں اور ان کو اپنی زندگی جینے دیں۔
بھارتی سوشل میڈیا پر یہ خبر گردش کرتی رہی ہے کہ پلاش نے بھارتی اسٹار کھلاڑی کے ساتھ بے وفائی کی جس کی وجہ سے آخری وقت پر شادی کی رسومات کو روک دیا گیا۔