پاکستان کی معروف اداکارہ جویریہ عباسی نے اپنی خوبصورتی برقرار رکھنے کے لیے کی جانے والی اینٹی ایجنگ ٹریٹمنٹ کا راز سوشل میڈیا پر بتا دیا۔
حالیہ ویڈیو میں جویریہ عباسی ایک ڈرماٹولوجسٹ کے کلینک میں نظر آئیں جہاں وہ اپنا کاسمیٹک پروسیجر کرواتی ہیں۔ اداکارہ نے ویڈیو میں بتایا میں یہاں کلینک آئی ہوں کیونکہ میری جلد کافی ڈھیلی ہو گئی ہے اس لیے میں ٹریٹمنٹ کروا رہی ہوں۔
ڈرماٹولوجسٹ کے مطابق جویریہ شادی کی تقریب سے براہِ راست کلینک آئیں اور چہرے کو کیمرے کے لیے بہتر بنانے کے لیے ٹریٹمنٹ کیا گیا۔ پروسیجر کے دوران ورچو آر ایف سیشن کیا گیا جس کا ایک حصہ مکمل ہو چکا ہے اور چہرہ پہلے ہی بہتر نظر آ رہا ہے۔ بعد میں دوسری سیشن بھی ہوگی جس سے چہرے کی کانٹورنگ مزید نمایاں ہو جائے گی۔ اس کے علاوہ جویریہ کے ماتھے پر بوٹاکس بھی دیا گیا۔
سوشل میڈیا صارفین نے ویڈیو پر ملا جلا ردعمل دیا کچھ نے ٹریٹمنٹ کی تعریف کی جبکہ ایک فین نے کہا کہ پہلے اور بعد کے چہرے میں کوئی خاص فرق نظر نہیں آ رہا۔
جویریہ عباسی کی یہ ویڈیو فیس بک اور دیگر سوشل میڈیا پلیٹ فارمز پر تیزی سے وائرل ہو رہی ہے اور شائقین اس پر اپنی رائے کا اظہار کر رہے ہیں۔