وفاقی آئینی عدالت نے خیبر پختونخوا حکومت کی جانب سے تعمیراتی سرگرمیوں پر ٹیکس عائد کرنے کو قانونی قرار دے دیا ہے اور اس کے خلاف دائر تمام اپیلیں مسترد کردی ہیں۔
عدالت کی جانب سے جاری تحریری فیصلے میں جسٹس عامر فاروق نے قرار دیا کہ صوبائی حکومت کو تعمیراتی کاموں سے متعلق خدمات پر سیلز ٹیکس عائد کرنے کا مکمل آئینی اختیار حاصل ہے۔
فیصلے میں کہا گیا ہے کہ خیبر پختونخوا سیلز ٹیکس آن سروسز ایکٹ کے تحت تعمیرات سے وابستہ خدمات پر ٹیکس لگانا قانون کے مطابق ہے اور اس اقدام کو غیر قانونی قرار نہیں دیا جا سکتا۔
عدالت کے اس فیصلے کے بعد صوبائی حکومت کی جانب سے تعمیراتی شعبے پر عائد سیلز ٹیکس برقرار رہے گا، جس سے صوبے کی آمدن میں اضافہ متوقع ہے۔