کراچی میں سانحہ گل پلازہ کے متاثرہ تاجروں کے لیے کے ایم سی نے پولو گراؤنڈ میں 300 دکانوں کا انتظام کردیا۔
حکام کے مطابق دکانداروں کے لیے ٹینٹ لگا کر عارضی دکانیں بنادی گئی ہیں، عارضی دکانوں میں کے ایم سی کی جانب سے بجلی فراہم کی جائے گی، دکانداروں اور خریداروں کے لیے پانی اور بیت الخلا کا انتظام ہے۔
کے ایم سی حکام کا کہنا ہے کہ مارکیٹ کی سیکیورٹی کے لیے 50 سٹی وارڈنز تعینات کیے جائیں گے۔
خیال رہے کہ ایم اے جناح روڈ پر واقع گل پلازہ شاپنگ مال ہولناک آتشزدگی کے نتیجے میں زمین بوس ہوگیا تھا جبکہ 86 افراد جاں بحق ہوئے تھے۔