اسلام آباد، راولپنڈی، پشاور اور گرد ونواح میں زلزلے کے شدید جھٹکے محسوس کیے گئے۔
خیبر پختونخوا کے ضلع باجوڑ اور گرد ونواح دیامر شہر و گرد ونواح جبکہ صوابی شہر اور گرد ونواح میں زلزلے کے جھٹکے محسوس کیے گئے۔
زلزلے پیما مرکز کے مطابق زلزلے کی شدت 5.6 ریکارڈ کی گئی جبکہ زلزلے کی گہرائی 114 کلو میٹر تھی۔
عینی شاہدین کے مطابق زلزلے کے جھٹکوں کے دوران لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے۔
تاحال کسی جانی یا مالی نقصان کی اطلاع موصول نہیں ہوئی، تاہم متعلقہ ادارے صورتحال کا جائزہ لے رہے ہیں۔