راولپنڈی میں بیکری چوک کے قریب گرین لائن ٹرین پٹری سے اتر گئی، تاہم خوش قسمتی سے واقعے میں کوئی جانی نقصان نہیں ہوا۔
ترجمان ریسکیو 1122 کے مطابق واقعے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچ گئیں اور امدادی سرگرمیاں شروع کر دیں۔
ریسکیو حکام کا کہنا ہے کہ ٹرین اسلام آباد کی جانب جارہی تھی جب بیکری چوک کے قریب اچانک پٹری سے اتر گئی۔ ابتدائی اطلاعات کے مطابق حادثے میں کوئی مسافر زخمی نہیں ہوا۔
حکام کے مطابق ٹرین کو دوبارہ پٹری پر لانے اور ٹریک کو کلیئر کرنے کے لیے متعلقہ اداروں کی ٹیمیں موقع پر موجود ہیں جبکہ واقعے کی وجوہات جاننے کے لیے تحقیقات بھی شروع کردی گئی ہیں۔