وزیراعلیٰ سندھ سید مراد علی شاہ نے خواتین کے عالمی دن پر پیغام میں کہا کہ سندھ کی ماؤں، بہنوں اور بیٹیوں کو سلام پیش کرتا ہوں۔
وزیراعلیٰ نے کہا کہ عالمی یوم خواتین مساوات، حقوق اور انصاف کی جدوجہد کی علامت ہے، خواتین کی شمولیت کے بغیر ترقی کا سفر ممکن نہیں، حکومت سندھ خواتین کو ہر شعبے میں بااختیار بنانے کے لیے پُرعزم ہے، تعلیم، صحت اور روزگار میں خواتین کو مساوی مواقع دینا ترجیح ہے۔
سندھ کی خواتین نے جمہوریت اور قومی ترقی میں نمایاں کردار ادا کیا ہے، محترمہ فاطمہ جناح، بیگم نصرت بھٹو اور شہید بینظیر خواتین کی قیادت اور جدوجہد کی روشن مثالیں ہیں، معاشی، سماجی اور سیاسی ترقی میں خواتین کا کردار کلیدی ہے۔
خودمختار اور باہمت خواتین مضبوط معاشرے کی ضمانت ہیں، سندھ بھر میں خواتین کو بااختیار بنائے کے لیے کئی پروگرام جاری ہیں۔