کراچی میں بند کی گئیں مختلف شاہراہیں ٹریفک کے لیے دوبارہ کھول دی گئیں۔
ٹریفک پولیس نے جناح برج سے ایم ٹی خان روڈ براستہ مائی کولاچی تا بوٹ بیسن ٹریفک کے لیے کھول دی۔ بوٹ بیسن سے جناح برج جانے والے راستوں سے کنٹینرز ہٹا دیے گئے۔
جناح برج سے ایم ٹی خان روڈ براستہ سلطان آباد تا پی آئی ڈی سی کھول دیا گیا، پی آئی ڈی سی سے سلطان آباد جانے والے راستے سے کنٹینرز ہٹائے جا رہے ہیں۔
ٹریفک پولیس کے مطابق سلطان آباد جانے والا راستہ بھی جلد ٹریفک کے لیے کھول دیا جائے گا، شہری راستے کھلنے کے بعد غلط سمت سفر سے گریز کریں، ٹریفک پولیس ہیلپ لائن اور سڑکوں پر اہلکار رہنمائی کے لیے موجود ہیں۔