ایم کیو ایم پاکستان کے رہنما فاروق ستار نے کہا ہے کہ گورنر سندھ کی تبدیلی کے فیصلے کے بعد حکومت میں رہنے کا کوئی جواز نہیں۔
انھوں نے کہا کہ ایم کیو ایم پاکستان مسلم لیگ ن کی حلیف جماعت ہے اور ایک آئینی عہدہ گورنری ایم کیو ایم کا حق ہے جس حق سے محروم کیا جارہا ہے۔
روایت رہی ہے کہ سندھ کا گورنر ایم کیو ایم پاکستان کا ہوتا ہے۔ پارٹی کو ایسے یکطرفہ فیصلے کے بعد حکومت میں رہنے کا کوئی جواز نہیں۔ انھوں نے کہا کہ ہمیں فی الفور وفاقی حکومت سے باہر آجانا چاہیے۔