لودھراں میں بیوٹی پارلر میں فائرنگ سے ہلاک ہونے والی لڑکی کی نمازِ جنازہ ادا کر دی گئی ہے جس کے بعد علاقے میں سوگ کی فضا ہے۔
پولیس کے مطابق لڑکی کو شادی سے تقریباً ایک گھنٹہ قبل اس کے کزن نے بیوٹی پارلر میں فائرنگ کر کے قتل کیا جس کے بعد ملزم نے خود کو بھی چھری کے وار کر کے زخمی کر لیا۔
پولیس کا کہنا ہے کہ زخمی ملزم اسپتال میں زیر علاج ہے اور اس کی حالت تشویشناک ہے۔واقعے کا مقدمہ ملزم سمیت اس کے والد اور دیگر دو افراد کے خلاف درج کر لیا گیا ہے جبکہ مزید تفتیش جاری ہے۔