آئی جی سندھ جاوید عالم اوڈھو نے کراچی میں شادیوں اور دیگر تقریبات میں ہوائی فائرنگ کے واقعات پر سخت کارروائی کا اعلان کرتے ہوئے واضح کیا ہے کہ اس عمل میں ملوث افراد کے خلاف زیرو ٹالرنس پالیسی اپنائی جائے گی۔
آئی جی سندھ نے کہا کہ اگر کسی شادی میں ہوائی فائرنگ کی اطلاع ملی تو صرف دلہا نہیں بلکہ دلہے کے والدین کو بھی ذمہ دار ٹھہرا کر گرفتار کیا جائے گا۔
انہوں نے ایس ایس پیز کو ہدایت دی کہ اس حکم پر سختی سے عمل درآمد یقینی بنایا جائے جبکہ اس حوالے سے ایڈیشنل آئی جی کراچی سے بھی بات ہو چکی ہے۔
آئی جی سندھ کے مطابق ہوائی فائرنگ سے نامعلوم سمت سے آنے والی گولیوں کے باعث قیمتی جانوں کا نقصان ہوتا ہے اور ایسے واقعات میں بچوں کی اموات انتہائی افسوسناک ہیں۔