کوئٹہ کے علاقے چکی شاہوانی میں جائیداد کے تنازع پر گھر کے اندر ہونے والی اندھا دھند فائرنگ کے نتیجے میں ایک ہی خاندان کے 5 افراد جاں بحق ہوگئے۔
پولیس حکام کے مطابق ملزمان نے گھر میں گھس کر فائرنگ کی، جس کے باعث باپ، اس کے تین بیٹے اور ایک بیٹی موقع پر ہی چل بسے۔
اس اندوہناک واقعے کے خلاف مقتولین کے لواحقین نے بادینی پل کے قریب لاشیں رکھ کر احتجاجی مظاہرہ کیا، جس کے باعث شاہراہ پر ٹریفک کی روانی معطل ہوگئی۔
واقعہ اور مظاہرے کی اطلاع ملتے ہی پولیس حکام نے موقع پر پہنچ کر مظاہرین کو مکمل قانونی کارروائی اور ملزمان کی گرفتاری کے لیے ہر ممکن تعاون کی یقین دہانی کرائی اور احتجاج ختم کرادیا۔