کراچی کے علاقے سعود آباد میں کار پر فائرنگ کے ایک واقعے میں پسند کی شادی کرنے والے میاں بیوی کو قتل کردیا گیا۔
پولیس کے مطابق فائرنگ کا واقعہ ملیر آر سی ڈی گراؤنڈ کے قریب پیش آیا، جہاں نامعلوم افراد نے گاڑی پر اندھا دھند فائرنگ کی۔
پولیس کا کہنا ہے کہ جاں بحق ہونے والی خاتون کی شناخت نادیہ کے نام سے ہوئی ہے، جبکہ حملے کے دوران گاڑی پر پانچ سے چھ گولیاں لگیں۔
واقعے کے بعد پولیس نے شواہد اکٹھے کر کے تحقیقات شروع کردی ہیں، جبکہ ملزمان کی تلاش جاری ہے۔