شکارپور میں ہمایوں تھانے کی حدود پیر جلیل کے قریب بکرانی برادری کے دو گروپوں میں دیرینہ دشمنی پر ہونے والی شدید فائرنگ کے نتیجے میں خاتون سمیت 3 افراد جاں بحق اور ایک خاتون سمیت 3 افراد زخمی ہوگئے ہیں۔
پولیس کے مطابق جاں بحق ہونے والوں کی شناخت مسمات ماروی خاتون، عبدالجبار بکرانی اور آغا بکرانی کے ناموں سے ہوئی ہے۔
واقعے کی اطلاع ملتے ہی پولیس کی بھاری نفری موقع پر روانہ ہوگئی جبکہ لاشوں اور زخمیوں کو قریبی اسپتال منتقل کردیا گیا ہے۔ پولیس کا کہنا ہے کہ دونوں گروپوں کے درمیان فائرنگ کا سلسلہ تاحال جاری ہے، جس کے باعث علاقہ میدانِ جنگ کا منظر پیش کر رہا ہے اور پورے علاقے میں شدید خوف و ہراس پھیل گیا ہے۔
پولیس ذرائع کے مطابق اس دیرینہ تنازع کے نتیجے میں اب تک غلام قادر بکرانی گروپ کے 3 افراد اور کیہر بکرانی گروپ کے 2 افراد سمیت مجموعی طور پر ایک خاتون سمیت 5 افراد قتل ہوچکے ہیں۔