ایرانی پاسدارانِ انقلاب نے خبردار کیا ہے کہ اگر امریکا کی جانب سے مزید فوجی کارروائی کی گئی تو ایران اس کا پہلے سے کہیں زیادہ سخت اور وسیع پیمانے پر جواب دے گا۔
پاسدارانِ انقلاب کے بیان میں کہا گیا ہے کہ کسی بھی ممکنہ جارحیت کی صورت میں خطے میں موجود امریکی فوجی اڈوں کو غیر محفوظ بنا دیا جائے گا اور دشمن کو سنگین نتائج کا سامنا کرنا پڑے گا۔
ایرانی حکام کا کہنا ہے کہ ملک کی خودمختاری اور قومی سلامتی کے تحفظ کے لیے ہر ممکن اقدام کیا جائے گا اور کسی بھی حملے کا بھرپور جواب دیا جائے گا۔