لاہور کے پنجاب اسٹیڈیم میں سی ایم پنجاب انٹرڈویژن کبڈی چیمپئن شپ کے دوسرے روز تمام ڈویژنز کے درمیان دلچسپ اور کانٹے دار مقابلے جاری ہیں۔
چیمپئن شپ کے میچوں میں ملتان ڈویژن نے بہاولپور ڈویژن کو 26 کے مقابلے میں 38 پوائنٹس سے شکست دے دی، جبکہ فیصل آباد ڈویژن نے ڈی جی خان ڈویژن کے خلاف 23 کے مقابلے میں 42 پوائنٹس سے کامیابی حاصل کی۔
ایک اور میچ میں ساہیوال ڈویژن نے سرگودھا ڈویژن کو 23 کے مقابلے میں 36 پوائنٹس سے ہرایا، جبکہ گوجرانوالہ ڈویژن نے یکطرفہ مقابلے کے بعد راولپنڈی ڈویژن کو 21 کے مقابلے میں 45 پوائنٹس سے شکست دی۔