پاکستان کرکٹ بورڈ کے زیرِ اہتمام چار زخمی کھلاڑیوں محمد رضوان، شان مسعود، سلمان علی آغا اور سعود شکیل کے فٹنس ٹیسٹ دوسرے روز بھی لیے گئے۔
ذرائع کے مطابق، ان چاروں کرکٹرز کے فٹنس ٹیسٹ آج صبح دوبارہ لیے گئے، جبکہ گزشتہ روز ان کے ان ڈور ٹیسٹ کیے گئے تھے۔
آج صبح گراؤنڈ میں چاروں کھلاڑیوں کے برونکو ٹیسٹ، رننگ ٹیسٹ اور دیگر مختلف فٹنس ٹیسٹ لیے گئے۔
ذرائع کا کہنا ہے کہ محمد رضوان، شان مسعود، سلمان علی آغا اور سعود شکیل نے اپنے تمام فٹنس ٹیسٹ کامیابی سے کلئیر کرلیے ہیں۔