اسپورٹس بورڈ پنجاب کے زیرِ اہتمام جاری سی ایم پنجاب انٹرڈویژن کبڈی چیمپئن شپ 2026 کے فائنل میں فیصل آباد اور ساہیوال ڈویژن کی ٹیموں نے جگہ بنالی ہے۔
پہلے سیمی فائنل میچ میں ساہیوال نے گوجرانوالہ ڈویژن کو 36 کے مقابلے میں 46 پوائنٹس سے شکست دی، جبکہ دوسرے سیمی فائنل میں فیصل آباد نے لاہور ڈویژن کو 32 کے مقابلے میں 52 پوائنٹس سے ہرا کر فائنل کے لیے کوالیفائی کیا۔
ٹورنامنٹ کا فائنل میچ آج شام 7 بجے فیصل آباد اور ساہیوال ڈویژن کے درمیان کھیلا جائے گا، جس سے قبل شام 6 بجے تیسری پوزیشن کے لیے لاہور اور گوجرانوالہ کی ٹیمیں مدمقابل ہوں گی۔
ڈی جی اسپورٹس پنجاب محمد طارق قریشی نے فائنل میں پہنچنے والی دونوں ٹیموں کو شاندار کارکردگی پر مبارکباد پیش کی ہے۔