ثانوی تعلیمی بورڈ کراچی کے چیئرمین پروفیسر مشرف علی راجپوت کی خصوصی ہدایت پر ناظم امتحانات احمد خان چھٹو کے مطابق دہم جماعت سائنس گروپ کے سالانہ امتحانات برائے سال 2026ء کے نتائج کا اعلان آج شام 5:00 بجے بورڈ کے کانفرنس ہال پہلی منزل بلاک B میں کیا جا ئے گا۔
تقریب میں سالانہ امتحانات میں پوزیشنز حاصل کرنے والے طلباء و طالبات کے اعزاز میں کیش ایوارڈ اور اسناد تقسیم کی جائیں گی، ایجوکیشن کے پرنٹ و الیکٹرانک میڈیا کے نمائندگان کو تقریب میں شرکت کی دعوت دی جاتی ہے۔
امتحانی نتائج بورڈ کی آفیشل ویب سائٹ www.bsek.edu.pk پردیکھے جاسکتے ہیں۔
چیئرمین بورڈ نے مختلف اسکولز ایسوسی ایشنز کے سربراہان سے کہا ہے کہ وہ اس تقریب میں شرکت کر کے ان ہونہار پوزیشن حاصل کرنے والے طلباء و طالبات کی ہر طرح سے بھرپور حوصلہ افزائی کریں۔
دوسری جانب ناظم امتحانات احمد خان چھٹو کے مطابق سماعت و گویائی سے محروم خصوصی طلباء و طالبات کے نہم و دہم جماعت کے نتائج کا اعلان بھی آج شام5:00 بجے بورڈ کے کانفرنس ہال پہلی منزل بلاک B میں کیا جا ئے گا۔