پاکستان کے سابق ٹیسٹ فاسٹ بولر محمد عامر نے انگلینڈ کی معروف فرنچائز کرکٹ لیگ دی ہنڈرڈ میں ٹرینٹ راکٹس کے ساتھ معاہدہ کر لیا ہے۔
ٹرینٹ راکٹس نے محمد عامر کو ڈیوڈ پین کی جگہ اپنے اسکواڈ میں شامل کیا ہے، جس کے بعد پاکستانی فاسٹ بولر رواں سیزن میں ٹیم کی نمائندگی کریں گے۔
محمد عامر کو حال ہی میں برطانوی پاسپورٹ ملنے کے بعد انگلش ڈومیسٹک کرکٹ میں مقامی کھلاڑی کا درجہ حاصل ہو گیا ہے۔ اب وہ اوورسیز پلیئر کے بجائے مقامی کھلاڑی کے طور پر لیگ میں حصہ لیں گے، جس سے ٹیموں کے لیے ان کی شمولیت مزید آسان ہو گئی ہے۔
محمد عامر کی شمولیت کو ٹرینٹ راکٹس کے بولنگ اٹیک کے لیے اہم اضافہ قرار دیا جا رہا ہے، جبکہ کرکٹ شائقین بھی انہیں ایک بار پھر انگلینڈ کی معروف لیگ میں ایکشن میں دیکھنے کے لیے پُرجوش ہیں۔