ملتان میں جاری انڈر 19 اسکلز ڈیولپمنٹ کیمپ بھرپور انداز میں آگے بڑھ رہا ہے، جہاں ایک حالیہ پریکٹس میچ کے انعقاد کے بعد ہیڈ کوچ شاہد انور نے کھلاڑیوں کے ساتھ بیٹھ کر کھیل کا تفصیلی جائزہ لیا۔
ہیڈ کوچ شاہد انور نے میچ کے حوالے سے تمام کھلاڑیوں سے ان کی رائے اور فیڈبیک حاصل کیا۔ انہوں نے نوجوان کھلاڑیوں کی کارکردگی کو سراہتے ہوئے انہیں اپنی تکنیک اور سکلز میں مزید نکھار پیدا کرنے کی تلقین کی اور ان کی حوصلہ افزائی کرتے ہوئے زور دیا کہ مستقل مزاجی اور مسلسل محنت ہی کھیل کے میدان میں کامیابی کی اصل ضمانت ہے۔