پاکستان کی ٹیسٹ کرکٹ ٹیم نئے کپتان بابر اعظم کی قیادت میں دو ٹیسٹ میچوں کی سیریز کھیلنے کے لیے ویسٹ انڈیز روانہ ہو گئی۔
قومی ٹیم اسلام آباد سے براستہ دوحہ اور لندن ویسٹ انڈیز پہنچے گی جہاں 18 سے 21 جولائی تک چار روزہ پریکٹس میچ کھیلے گی۔ پاکستان اور ویسٹ انڈیز کے درمیان آئی سی سی ورلڈ ٹیسٹ چیمپئن شپ کے تحت دو ٹیسٹ میچ 25 جولائی سے 10 اگست تک برائن لارا کرکٹ اکیڈمی اور کوئینز پارک اوول میں کھیلے جائیں گے۔
روانگی سے قبل قومی اسکواڈ نے راولپنڈی کرکٹ اسٹیڈیم میں تین روزہ تربیتی کیمپ اور دو روزہ سناریو بیسڈ میچ میں حصہ لیا۔واضح رہے کہ پاکستان کرکٹ بورڈ نے حالیہ ناقص نتائج کے بعد شان مسعود کی جگہ بابر اعظم کو دوبارہ قومی ٹیسٹ ٹیم کا کپتان مقرر کیا ہے۔