امریکا اور ایران کے درمیان بڑھتی ہوئی کشیدگی اور عالمی منڈی میں تیل کی قیمتوں میں اضافے کے باعث پاکستان اسٹاک ایکسچینج شدید مندی کا شکار رہی۔
کاروباری ہفتے کے پہلے روز ٹریڈنگ کے دوران ہنڈرڈ انڈیکس 2700 سے زائد پوائنٹس تک گر گیا جبکہ کاروبار کے اختتام پر انڈیکس 2314 پوائنٹس کی کمی کے ساتھ 179 ہزار 927 پوائنٹس پر بند ہوا۔
شدید مندی کے باعث اسٹاک مارکیٹ ایک ہی روز میں 182 ہزار، 181 ہزار اور 180 ہزار پوائنٹس کی تین اہم نفسیاتی حدیں بھی گنوا بیٹھی۔
مارکیٹ میں بینکنگ، فرٹیلائزر، سیمنٹ، انرجی اور آئل اینڈ گیس سیکٹرز کے شیئرز میں نمایاں فروخت دیکھی گئی۔