پاکستان اسٹاک ایکسچینج میں مسلسل دو روز جاری رہنے والی تیزی کا سلسلہ کاروباری ہفتے کے آخری روز رک گیا جہاں مارکیٹ ریکوری کے بجائے فروخت کے دباؤ کا شکار رہی۔
کاروبار کے دوران مارکیٹ میں شدید اتار چڑھاؤ دیکھنے میں آیا۔ ابتدائی مرحلے میں ہنڈرڈ انڈیکس میں 570 پوائنٹس تک اضافہ ریکارڈ کیا گیا تاہم بعد ازاں فروخت کا دباؤ بڑھنے سے مارکیٹ نے تیزی کھو دی۔
دورانِ ٹریڈنگ ہنڈرڈ انڈیکس میں 2,333 پوائنٹس تک کی بڑی کمی دیکھی گئی جبکہ پاکستان اسٹاک ایکسچینج 178 ہزار، 177 ہزار اور 176 ہزار پوائنٹس کی تین اہم نفسیاتی حدیں بھی گنوا بیٹھی۔
کاروبار کے اختتام پر ہنڈرڈ انڈیکس 2,320 پوائنٹس کی کمی کے ساتھ 175,802 پوائنٹس پر بند ہوا۔