راجن پور میں ایک بکری کی غیرمعمولی قیمت نے سب کو حیران کر دیا، جہاں صرف 15 کلو وزنی بکری 18 لاکھ روپے میں فروخت کردی گئی۔ اس منفرد خرید و فروخت نے علاقے میں خاصی توجہ حاصل کی۔
بکری کے مالک کا کہنا ہے کہ "شیری" نسل کی یہ ٹیڈی بکری اپنی دلکش رنگت، خوبصورت ساخت اور نایاب نسل کی وجہ سے عام بکریوں سے مختلف ہے، اسی لیے اس کی قیمت بھی غیرمعمولی رکھی گئی تھی۔
دلچسپ بات یہ رہی کہ خریدار بارات کی طرز پر کئی گاڑیوں کے قافلے کے ساتھ پہنچے۔ خریداری کے بعد ڈھول کی تھاپ، بھنگڑے اور نوٹ نچھاور کر کے بکری کو رخصت کیا گیا، جبکہ مہمانوں کی تواضع قورمے اور میٹھے چاول سے کی گئی۔