ترکیہ کے شہر استنبول میں شادی سے قبل فوٹو شوٹ کے دوران تیز ہواؤں نے دلہن کو غباروں سمیت ہوا میں اچھال دیا، تاہم فوٹوگرافر نے بروقت پکڑ کر اسے بڑے حادثے سے بچالیا۔
غیر ملکی میڈیا کے مطابق 26 اکتوبر کو آبنائے باسفورس کے کنارے فوٹو شوٹ جاری تھا کہ اچانک تیز ہوا کے جھونکے نے دلہن کے ہاتھ میں موجود بڑے غباروں کو کھینچ لیا، جس سے وہ اپنا توازن کھو بیٹھی اور قریبی دیوار کی جانب جانے لگی۔
واقعے کی ویڈیو سوشل میڈیا پر وائرل ہوگئی، تاہم خوش قسمتی سے دلہن محفوظ رہی اور کسی چوٹ کی اطلاع نہیں ملی۔ دلچسپ بات یہ ہے کہ حادثے کے خدشے کے باوجود وہ بعد ازاں اپنا فوٹو شوٹ مکمل کرنے میں کامیاب ہوگئی۔