امریکا کی ریاست وسکونسن میں ایک 69 سالہ شخص نے صرف شاپنگ کے لیے ہیلی کاپٹر استعمال کر کے سب کو حیران کر دیا۔ حکام کے مطابق وہ اپنے گھر سے تقریباً 50 میل دور ایک آؤٹ ڈور ریٹیل اسٹور تک ایک گھنٹے کی ڈرائیو سے بچنے کے لیے ہیلی کاپٹر اڑا کر پہنچا۔
اسٹور کے باہر ہیلی کاپٹر پارک ہونے پر مقامی پولیس کو شکایات موصول ہوئیں، تاہم تحقیقات سے معلوم ہوا کہ شخص کے پاس باقاعدہ پائلٹ لائسنس موجود تھا اور اس نے فیڈرل ایوی ایشن ایڈمنسٹریشن کے تمام قواعد پر عمل کرتے ہوئے ہیلی کاپٹر کو محفوظ طریقے سے اتارا تھا۔
حکام کے مطابق اس کے خلاف کوئی کارروائی نہیں کی گئی اور اسے صرف ٹریفک سے بچنے کے لیے شاپنگ کا منفرد انداز قرار دیا گیا۔