فلپائن میں ایک آکٹوپس کے مچھیرے کے چہرے سے چمٹ جانے کی حیران کن ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ آکٹوپس نے اپنے متعدد بازو مچھیرے کے چہرے کے گرد لپیٹ رکھے ہیں اور مچھیرا اسے ہٹانے کی مسلسل کوشش کر رہا ہے، تاہم آکٹوپس کے مضبوط سکشن کپ کے باعث اسے خاصی جدوجہد کرنا پڑی۔
ماہرین کے مطابق آکٹوپس کے آٹھ بازوؤں پر سیکڑوں سکشن کپ ہوتے ہیں، جو اسے مختلف سطحوں کو مضبوطی سے پکڑنے میں مدد دیتے ہیں۔
ماہرین کا کہنا ہے کہ ممکنہ طور پر آکٹوپس نے خطرہ محسوس کرتے ہوئے دفاعی ردعمل کے طور پر مچھیرے کے چہرے کو مضبوطی سے پکڑ لیا۔